ASARU N CCIX AH’EDDAD D TARWA-S
.jpg)
Tiz’rigin MELOVISION, tesnulfa-d asaru n talgha documentaire, ghef lebni yakk d ureqqeâ n uxxam n Ccix. S leqdic-a, Melovision, iga-d tajmilt meqqren i taddart Sedduq Ufella yakk d lecyax-is, Ah’eddad d warraw-is.Aseggas-a 2009, ayen yeεnan lfen, di tghiwant n Sedduq cwit’ kan akka i d-yellan, yerna s uh’eccim. Hah d ad’ebsi negh sin, hah d taceqquft negh d asarag. Omar Usaâdun, aselway n tez’rigin, yeddem rray a d-isuffegh asaru s senf documentaire ilmend n Ccix Ah’eddad d sin warraw-is. Ayen akk isemnennin deg wach’al-aya d asaru ghef lecyax yakk d taddart Sedduq Ufella, ayen akk yejmeâ d lkenz Omar s teghzi n tlata yiseggasen, ass-a imudd-it-id i medden d asaru-documentaire.
Mi tet’t’fed’ gar yifassen-ik ad’ebsi, ulac acu ara s-d-tekksed’ ghef tghara ama n usewwer ama n usali n usaru-documentaire. Asaru-documentaire yebna-d ghef yiwen ud’ebsi DVD, negh ma yebgha h’ed a t-yaf d sin n VCD, ssuma-ines terxes ; win iâeddan yezmer a t-id-yagh.
Asaru-documentaire yebd’a ghef sin yeh’ricen. Amezwaru yettat’t’af 25 ddqiqa, yeâna areqqeâ n uxxam n Ccix yakk d lebni n tqerrabt.
Ma d ah’ric wis-sin yettat’t’af 55 ddqayeq, yebda-d seg uheyyi n lecghal, ama deg taddart gar yimezdagh-is ; ama deg tzeqqa n tghiwant d yemsult’a. syin akkin yughal gher Qsentina, anda tejba tesqamutt n twacult n Ccix akken ad sutren ighessan n Ccix Ah’eddad d mmi-s Âziyez deg uselway n tghiwant. Syin d afella d abrid n tughalin gher taddart, armi d timd’elt tikkelt tis-snat n yighessan n lecyax. Leqdic merra yemttuttel, yedhen s udiwenni s teqbaylit, yakk d tmuzigt tamerkantit n Mohand Bouzerzour.
Asaru-documentaire-a yesken-d belli curken akk medden deg leqdic-a. am umez’yan am umeqran, am tmet’t’ut am urgaz. Akken ladgha i t-id-isefra Omar Useâdun « Deg documentaire-a, imdewwel (acteur) amezwaru d imezdagh n temnat’-a-nnegh. »
Γef wach’al n lweqt sâeddan akken a d-yali asaru-documentaire, Omar yerra-d : « Sin wagguren. Ayen yellan d allalen asadri (professionnel) isuâed-agh nezzeh. Yerna wa nuzzel akka deg leqdic fell-as ghef l?al yemdanen yuysen ad walin asaru-documentaire. »
Acu-t yiswi n leqdic-a i Omar. « At’as n yeh’ricen i d-yezzin i leqdic-a. amezwaru, nebgha a d-nmudd i wid ur neh’dir i temd’elt yiwen usaru-documentaire sway ara d-iz’er ayen akk yed’ran deg taddart n Sedduq Ufella, seg tazwara armi d taggara. Tis-snat, leqdic-a yeldi-d tiwwura i tegnitt ur ilaq yiwen ad yezgel akken a d-yesken acu yesâa d lkenz deg taddart-is. Tin ara d-igen tat’wiqt i tteh’wis. »
Γef leqdic ajdid i d-yettra?un tiz’rigin, Omar Useâdun, yenna-k « A d-nâiwed i usaru-documentaire-a, anda ara t-id-nerr alamma d 55 ddqiqa. »
Asali documentaire : infos@melovision.net
Lweqt : 25 ddqiqa+55 ddqiqa
Ssuma 200 idinaren
Ait Ighil Mohand