Lluziaa d laada yughen ddeqs-aya amur meqqer gar yimezdagh di tmurt n Leqbayel. Sedduq-Ufella, d taddart gar tudrin i d-yeskeflen l’aada ilmend n Laid amezzyan. Ddaw l’aanaya n tejmaaat n l’aaqqal, imezdagh n taddart, am umeqqran am umezzyan, zdin ighallen gher lluziaa i d-gan ilmend n L’aid amezzyan. Anagar kfan tazzalit d umsalem, l’Aaqqal yakk d yimezdagh, yelsan talaba d tajdit am warrac am yergazen am yemgharen, ughen amdhiq deg Lberdj, abrah anda ara sukken i 5 yezgaren i d-ughen. Drus n tallit kan akka, imeqqranen n taddart Sedduq-Ufella, bdan agezzer, mi kfan rran gher rrif buzelluf d yidharren i semttuttlen deg teglimt, ara suffghen s ssuma iman-is ; ur teddun ara deg texxamin. Ughalen-d gher ugerbuz d tkerciwin, ferqen-ten ghef 300 tuntin – d azal n twaculin yellan deg taddart negh berra i taddart i d-isawlen ad kkin deg lluziεa –. Gar tuccar, agezzar, i d-izenzen izgaren, ur d-yessedda ara deg le?sab n lexlas tikerciwin d buzelluf.